Dyma eich cyfle i e-bostio Cyngor Caerdydd i ddatgan eich cefnogaeth dros adeiladu ysgol Gymraeg bob oed (3-19) yn Grangetown/Tre-biwt ac ar gyfer de Caerdydd.
Byddai’r ysgol yn cynnwys y 4edd ysgol uwchradd Gymraeg yn y ddinas. Yn ogystal bydd yn tyfu darpariaeth meithrin/cynradd Cymraeg ar y safle am y blynyddoedd i ddod.
Anfonwch neges at y cyngor erbyn 26 Mawrth 2026. Ar ôl y dyddiad hynny bydd y broses ymgysylltu gan y cyngor yn dod i ben.
Templed i chi e-bostio
Dilynwch y camau isod i e-bostio Cyngor Caerdydd er mwyn mynegi eich cefnogaeth.
- Ewch i’ch ap neu system e-bost.
- Crëwch neges e-bost newydd.
- Copïwch y testun isod. Gludwch y testun yn eich neges.
Annwyl Gyngor Caerdydd
Rydw i’n cefnogi Ysgol bob oed (3-19) cyfrwng Cymraeg wedi ei lleoli yn Nhre-biwt neu Grangetown ac i wasanaethu teuluoedd a chymunedau de Caerdydd – sef ysgol uwchradd a chynradd cyfrwng Cymraeg mewn adeilad newydd, cynaliadwy gydag adnoddau i’r gymuned (Opsiwn 5 yn y ddogfen “Ymgysylltu â rhanddeiliaid ar dŵf cynaliadwy darpariaeth uwchradd cyfrwng Cymraeg”).
* Mae’r iaith Gymraeg yn perthyn i bawb o bob cefndir.
* Er bod poblogaeth de’r ddinas yn tyfu, does dim ysgol uwchradd cyfrwng Cymraeg i wasanaethu de’r ddinas. Rhaid i blant gael ysgol leol – nid teithio allan o’u cymunedau.
* Mae lledaeniad daearyddol addysg uwchradd Gymraeg y ddinas yn camwahaniaethu yn erbyn cymunedau mwyaf aml-ddiwylliannol y ddinas a Chymru.
* Mae hyn yn anghyfiawnder sy’n cael ei ddioddef gan blant o ardaloedd mwyaf difreintiedig yn economaidd y brifddinas a Chymru.
* Mae’r Cwricwlwm i Gymru yn pwysleisio’n glir y dylai plant dderbyn eu haddysg yn eu cymuned er mwyn dathlu eu hunaniaeth wrth ddysgu am y byd.
* Nid yw cludo plant de’r ddinas o’u cymunedau yn deg a chynhwysol ac nid oes modd iddynt deithio’n gyfleus i ysgol gymunedol sy’n eu cynrychioli. Rhaid cael ysgolion uwchradd cyfrwng Cymraeg yn Ne, Gogledd, Dwyrain a Gorllewin y ddinas!
* Bydd yr ysgol bob oed yn ychwanegu at ddarpariaeth gynradd yn ne Caerdydd, a gellid cynyddu nifer y ffrydiau cynradd dros amser. Mae Deddf y Gymraeg ac Addysg 2025 yn golygu bod gan y Cyngor ddyletswydd i dyfu addysg cyfrwng Cymraeg yn weithredol.
Darllenwch safbwynt ymgyrch Ysgol De Caerdydd sydd yn rhoi mwy o fanylion am y pwyntiau uchod: https://decaerdydd.cymru/ymgysylltu
Fel mater o gyfiawnder cymdeithasol, rhaid adeiladu 4edd ysgol uwchradd cyfrwng Cymraeg y ddinas yn syth – ysgol bob oed (3-19) wedi ei lleoli yn ac i wasanaethu plant Tre-biwt, Grangetown a chymunedau de’r ddinas.
…
Yn ddiffuant,
***mewnosod eich enw***
***mewnosod eich cyfeiriad post*** - Rhowch eich enw ar ddiwedd y neges.
- Rhowch eich cyfeiriad post llawn hefyd. Pwysig!
- Opsiynol. Rhowch sylwadau personol ar ddiwedd y neges. Er enghraifft gallech chi orffen un o’r brawddegau isod:
- Mae angen ysgol cyfrwng Cymraeg newydd i blant Grangetown/Tre-biwt achos…
- Bydd yr ysgol cyfrwng Cymraeg newydd yn bwysig i fy nheulu achos…
- Anfonwch yr e-bost at ymatebionysgolion@caerdydd.gov.uk